Zinama Tumatumae 13:2-7

²Koari vuadi ri nana zinama si qetuqetu sa tie leanana, ba sari tie sekesekei si odi hiva huhuara.

³Asa pu lavelave nia sa beruna si kopu nia sa nana tinoa, ba asa pu memeakala si ṉovala pule nia.

⁴Sa tie udapelu si ovia ba lopu ta poni, ba sari hiniva tadi tie ṉaliṉali si gorevura beto.

⁵Sa tie toṉoto kana hola ia sa kokoha; ba sa tie kaleana si taveti sapu variva kurekure hola.

⁶Na tinoṉoto lavelave nia sa tie sapu loke nana tinazutu, ba na kinaleana si na hinoqa tadi na tie seadi.

⁷Keke tie si va gulegulea sapu tagotagona gua, ba si loketoṉa tu tagoa; keke pule si habahualana gua, ba si tagotagona tu.