Zinama Tumatumae 10:7-10

⁷Pude balabala pule la i sari tie toṉoto si na minana, ba sari pozadi ari tie kaleadi si kote popozu taloa.

⁸Sa tie sapu gilae pa bulona si va tabei sari na tinarae, ba sa tie memeakala si pekipeki meke kote kamoa tinasuna.

⁹Sa tie ṉoṉona si kote ene vata bulei si asa, ba asa pu lulia sa siraṉa koqina si kote ta poho vura.

¹⁰Asa pu putaputa kale mata si va gavoro tinalotaṉa, ba asa pu tozia sa hinokara si okoro nia sa binule.