Zemisi 3:3-9

³Pana hiva nia gita sa hose pude va tabe gita, gua, si vekoa gita pa ṉuzuna si keke aeana hite, pude boka va ene la ia gita si asa, vasina pu hiva nia gita.

⁴Doṉo la koasa vaka sapu nomana hola meke tepe pa givusu ṉiṉira, ba boka va kekeria mo keke kalaha hitekena si asa, meke la vasina pu hiva nia sa tie kopu kalaha pude la.

⁵Ke gua tugo asa sa mea, sapu hitekena mo, ba boka vahesi pule sisigiti nia si asa. Sa nika hitekena si boka sulu betoa sa sa hiqohiqo lavata.

⁶Sa mea si kekeṉoṉo gua tugo na nika, meke soku hola sari na tinavete kaleadi sapu evaṉi sa. Keke kukuru tinida si asa, sapu turaṉa va sea ia na va kaleania sa doduruna sa tini, meke sa tinoa tanisa tie, koasa kinaleana sapu mae guana koasa nika pa Heli.

⁷Ura doduru kurukuru ṉame, na kurukuru tapuru, na noki, meke na igana pa kolo, si boka tava manavasa, meke ele tava manavasa tugo pa tie.

⁸Ba sa mea si loke tie boka va manavasia. Kaleana hola meke lopu boka tava manavasa pa tie, meke variva mate hola si asa.

⁹Koasa mea si hoke vahesia gita sa Baṉara sa Tamada. Meke hoke zama va kaleana la nia tugo gita pa tie, sapu tava podaka pa kinehana sa Tamasa.