3Hanki osi ainia hosirimimofo zamagipi tamage'antesie huta nofi renteta, zamazeri rukre hanunkeno'a, amne hosimofo mika avufgamo'a tamage'anteno rukre hugahie.
4Hagi vente'mofone keho, tusi'aza me'neanagi ra zahomo retunefe. Hianagi osi zotareti, inantego ventema azeri ne'moma vunakuma hirega, azeri rukre higeno nevie.
5Anahukna huno agefuna osi avufgamo'agi, tusi'a veganokno ageru rugahie. Osi teve regregeno, ra avo'no traza afe teaza hugahie!
6Hagi tagefunamo'a tevegna hu'ne. Tagefunafina kefo kemo avite'neankino, amne ana miko kavufamofona eri haviza hugahie. Amne ana miko kavufga teve kampina avrenente. Ana tevea teve kuma'mo taginte'ne.
7Na'ankure mika ruzahu ruzahu afi' zagakfama, namazgama, zmasaguregati regrarohe'za vano nehaza zgaramima, hagerimpi zgamofona vahe'mo'za azeri agazone neheze.
8Hianagi vahe'mo'a, agefunamofo kegva krino, azeri agazonea osugahie. Vahe'mofo azeri fri avuatgazamo avitegeno, kefo kemoke atirami vava hugahie.
9Tagnefunanu Rantimofone, Anumzanena ra znagia nezanamita, ana tagnefunanura Anumzamo agra'gna retro huzmente'nea vahe'mokizmi sifna kea hunezmantone.
Jemisi 3
Jemisi 3:3-9