Zebur 129:1-8

¹«Yuqirigha chiqish naxshisi» «Yashliqimdin tartip ular köp qétim méni xar qilip keldi» — — Ah, Israil hazir buni désun —

²«Ular yashliqimdin tartip köp qétim méni xar qilip keldi, Biraq üstümdin ghelibe qilghan emes.

³Qosh heydigüchiler dümbemde heydigen, Chöneklirini intayin uzun tartqan».

⁴Perwerdigar heqqaniydur; U rezillerning asaretlirini sunduruwetti;

⁵Ular shermende bolup arqisigha yandurulsun, Ziondin nepretlinidighanlarning hemmisi!

⁶Ular ögzide ünüp chiqqan chöptek bolsun; Üzülmey turupla soliship kétidighan;

⁷Ot-chöp orighuchigha uningdin bir tutammu chiqmaydu; Bagh baghlighuchigha bir quchaqmu chiqmaydu;

⁸Ötüp kétiwatqanlarmu: «Perwerdigarning berikiti üstünglarda bolghay; Perwerdigarning nami bilen silerge bext tileymiz!» — dégen salamni héch bermeydu.