Psalms 129:1-8

¹(Ilu se temple te nama tarigira ko wur; gira kari duap beteso se kariimet suen la ilu gilingisan) “Ani aga kulak te la, nuna ani tawun biya aga bita maguwuman,” –Israel ni iwita baluko–

²“Ani aga kulak te la, nuna ani tawun biya aga bita maguwuman, bare nuna ani me ta aga kiaman.

³Nuna aninga asusuru ninguru pakakumuman, se na muguri te aguwa ko ali pakakumura tam.

⁴Bare Yawe mu ningo se diram; nu kari memek nunga mayang ani te aga talipikoyam, mu batutumuram.”

⁵Aninga angamang arikaya Zion ko me kuesan mu ikup gimon ale dola namamonko.

⁶Ale tari bisek kawam gul te aragoso, ale me tamaso bare maraka namoso wore iwita kuemonko;

⁷kari bo ko luan yu naukko me terong, se inangnang seng ko muguri namonko me terong tala.

⁸Se awiriya kariimet imi nunga kia kapa se mu, marak den imi me balu nungarmonko: ale balmon, “Kari Biya ko marak sokel nengerak bagoso,” ma me balmon; agi “Ana Kaem Biya ko nup te nina marak sokel ningarsan,” ma me balmonko tala.