Wâŋgiŋa Paneâŋa kâ 129:1-8

¹Miki Isrel ŋgu, kala ŋine miki ma katapâri ŋana vetâŋa sakamao ŋinde nemi kazâŋa tamâta siveta pami, lâ nia ndoyo lee imâ ipâŋga lâ zo ŋine.

²“Mao nâ, nia ndoyo, aku imâ lee ipâŋga lâ zo ŋine, ande kinzi kazâŋa tamâta simo siveta vetâŋa sakamao ndo pa maka. Andeta kinzi ŋandai sipole maka ŋga.

³Kinzi uru sipalili maka sakamao ndo, aku mbilâo ive kumbuma karae pwapwataki. Mine nde mbwatakâe luandondo rârâ sipâŋga kumbuma, itogo lââ kawa-kawa ikeno tâno ilo mwasina.

⁴Andeta Yova Kindeni, ina Vetâŋa Sondo Warika, ande ivila maka ku ipalalana tamâta sakamao nenzi wâlo kaika piti lâ tinima, kala kamo tinima vesa nâ.”

⁵Mine kala naŋa iloŋgu tu kinzi tamâta rârâni uru ilonzi sakamao pa Saion lawea ŋinde ma mainzi, ku ma sikâwa pwapwataki silâ.

⁶Ara ndo ŋana kinzi ma simo sitogo unza ipâŋga nia mira mwasina. Unza ŋinde ma ipâŋga wasaseki, andeta ŋgâla-ŋgâla walele nâ.

⁷Unza ŋinde nde kelekele kaa nâ. Mine kala tamâta uru silamo ŋineŋga sipa wâra ku sikale silâ, ande tia.

⁸Lâ kaniŋa gonâŋa ne zo, ambo tamâta pinde soka nzâla silâ, ande kinzi uru sisarâwa panzi wurâta tamâta tu, “Yova Kindeni iveta kie ara pano!”. Aku kinzi wurâta tamâta kala siporo ŋgua kaŋa taituni taulo panzi. Andeta maka tinima pwâka tu tamâta toŋge ma iporo ŋgua kaŋa mine panzi Saion lawea ne kazâŋa tamâta.