42Kũ Pↄlu kũ Baanabao tɛn bↄtɛ aduakɛkpɛn, ò wɛ́ kɛ̀ḿma ò ɛra ò su yã pì ońnɛ kámmabogↄrↄ làa dↄ.
43Kũ òtɛn fãkↄ̃a, Yudanↄ kũ gbɛ̃ kũ òdi donyĩ kɛ kũńwonↄ bò ò tɛ̀ Pↄlu kũ Baanabaooi dasi. Ò yã òńnɛ ò lɛ́ dàḿma, de ògↄ̃ gɛ́ arɛ kũ gbɛ̃kɛ kũ Luda kɛ̀ńnɛo.
44Kámmabogↄrↄ làa wɛ̃tɛdenↄ kàkara ń pínki ò sù Dikiri yã ma.
45Kũ Yudanↄ pari è lɛ, ò nɛ̀sɛgↄ̃baa kpà manamana, akũ òtɛn Pↄlu yã ɛ́kɛ bo òtɛni a sↄ̃sↄ̃.