Yowan 12:11-17

¹¹ul akaaŋ kë bayuday baŧum bakak afiyaar Yeŧu aduk baţeŋan baweek.

¹²Wi unuur ujinţuŋ, bañaaŋ baŧum maakan bambiiŋ *Ufeŧtu wi Mbuur du Yeruŧalem baŧiink kë baji Yeŧu abi ufeŧtu.

¹³Bajej ikën yi mnjaak aşë pën abi pkita, ahuuran aji : « Hoŧana! Bnuura nuura ţi ankmbiiŋ ţi katim ki Ajugun, naşih i Iŧrayel. »

¹⁴Yeŧu awin ubuuru umpoţi aşë dapa wa, jibi upiiŧaniiŋ aji :

¹⁵« Nawutan kalënk, an babuk *Ŧiyoŋ: Tenan, naşih i nan abi awi, adapa ubuuru umpoţi. »

¹⁶Uko mënţ baţaşarul baanyikrën wa wal mënţ. Kë wal wi mndëm mi Yeŧu mambiiŋ awinana kë başë leş kë iko mënţ bŧi ipiiŧana ţi a ţi Ulibra wi Naşibaţi kë babot adola ya.

¹⁷Bañaaŋ bambiiŋ awo na Yeŧu wi abiiŋ adu Laŧaar du bhër anaţana ţi pkeţ bawo ţi pkakalëş uko wi bawinuŋ.