Dyan 12:11-17

¹¹du i kték Lasarus i gumdà dee dad Dyu tmagak i tdò dad ulula na baling faglut di ku Dyisas.

¹²Di tmadol duh linge i dee dad to di Dyérusalém malò i fista Duh Kaglius tafan salu Dyisas déén.

¹³Na nwèla dad taglang falmira, na lamwà ale smitong kenen, na tamlo ale, manla, “Dnayenito Dwata! Too nun kafye i to salu dini mebe i glal Amuito Dwata. Kenen i Harì dad bel Israél.”

¹⁴Na nun teen Dyisas satu tingà dongki, na én i snakayan, taman gdohò i tafsulat Dwata di Tnaluan, manan,

¹⁵“Gamu dad to di Sion, nang gamu likò. Neyeyu, du fan kel i harìyu. Smakay kenen di tingà dongki.”

¹⁶Na di duh atù là glabat i dad mlalò ku Dyisas, na i ksalun di Dyérusalém i kagdohò i sulat dad tugad Dwata, bay kafnge i ktékan na kasfuléan di langit gafaldamla i sulat dad tugad Dwata, na glabatla kdee sulatla gablà ku Dyisas tagdohò.

¹⁷Na i dee dad to magin di ku Dyisas di katlon ku Lasarus mdà di lbang di ktékan kenen mdà di fati, tatmulen ale i tateenla.