YOHAAN 6:21-23

²¹Dhali yan’ko’d uni ’kunykina bwa mo dhali bu’th a’di e bwam ma ḵur mo, dhali ki jahanne/ aḵur a’di p̱u’dki’d e mo jin ’kokina uni mmo/ii mo be.

²²Dhali ka cim jiŋ ’ko’d mo tani ’kwani kun ’kokina ’bana gap̱a kamu/ mo tani mishki mo mo ka ḵur diki’d jasi ṯal ’de/ imun mo, dhala Yesus diki se aḵur mo nyaḵki imanciḵ a’di gwo mo, hili imanciḵ a’di gwo uni iikin uni ’cena mo be.

²³Bahili jasa ḵur ’peni Pan Thabariyya mo tani p̱u’dkin mo mmo’dish mo is mo e mo jin shwakina uni maaŋḵuthu’d mo ’ko’di Tap̱a ’borki’da Arumgimis bwa i is mo be.