Yaburina 91:4-15

⁴A i ratangama nɛn, i yi i luxun a yi, alo tɔxɛ ngana a gabutɛne soma a diine xun na kii naxan yi. A lannayaan yi findi i yɛ masansan wure lefaan na.

⁵I mi gaxun kɔɛɛn gbalon yɛɛ ra, hanma xalimakunla naxanye wolima yanyin na.

⁶I mi gaxuɛ fitina furene yɛɛ ra naxanye i lima dimini, hanma fure ɲaxin naxanye faxan tima yanyin na.

⁷Muxu wuli kedenna faxama nɛn i dɛxɔn ma, muxu wuli fu yi bira i rabilinni, koni fefe mi ligɛ i tan na.

⁸I i yɛɛn tima nɛn tun, i yi muxu ɲaxine saranna to.

⁹N bata n yigiya i tan ma Alatala. I na Kore Xɔnna Ala findi i luxunden na,

¹⁰fe ɲaxi yo mi i liyɛ. Gbalo yo mi masoɛ i konna ra.

¹¹Ala yamarin fima nɛn a malekane ma i ya fe yi alogo e xa i kantan i ya sigatiin birin yi.

¹²E yi i tongo alogo i nama i sanna din gɛmɛ yo ra.

¹³I tima yatane nun saɲine fari nɛn. I yi yata sɛnbɛmane nun saɲi ɲaxine yibodon.

¹⁴Ala naxa, “N na kanna rakisima nɛn bayo a n xanuxi. N na ratangama nɛn bayo a n kolon Ala ra.

¹⁵A na n xili, n na a yabima nɛn. N luma a xɔn ma nɛn tɔrɔni. N na a xunbama nɛn, n yi binyen sa a ma.