Yaburina 86:1-10

¹Dawudaa Ala maxandina. Alatala, i tuli mati n na, i yi n yabi. Amasɔtɔ yiigelitɔɔn nun tɔrɔ muxun nan n na.

²N niin natanga, amasɔtɔ n tɔgɔndiyaxi i ma. I tan n ma Ala, i ya walikɛɛn nakisi, naxan a yigi saxi i tan yi.

³N Marigina, kininkinin n ma! N fɛriɲɛnma i tan nan maxandɛ.

⁴Marigina, i ya walikɛɛn nasɛwa, amasɔtɔ n na n niin taxuxi i tan nan na.

⁵Marigina, i tan fan! I diɲa! Naxan na i maxandi, i hinanma nɛn na ra han!

⁶Alatala, i tuli mati n ma maxandi xuiin na, n ma mawuga xuiin namɛ.

⁷N nɛma tɔrɔni, n yi i maxandi, amasɔtɔ i yabin tima.

⁸Marigina, ala yo mi luxi alo i tan. I ya wanle ɲɔxɔn mi na.

⁹Marigina, i siyaan naxanye birin daxi, ne fama nɛn, e yi e xinbi sin i yɛtagi, e yi i xinla binya.

¹⁰Amasɔtɔ i tan gbo, i kabanako feene rabama. I tan keden peen nan Ala ra.