Yaburina 81:3-10

³Ɛ bɛti baan fɔlɔ, ɛ tanbanne maxa, e nun bɔlɔnna nun kondenna.

⁴Kike nɛnɛn na te, e nun kiken na kɔxɔ, ɛ xɔtaan fe en ma sali lɔxɔne yi.

⁵Sariyan nan ito ra Isirayila xa. Yaxubaa Alaa yamarin nan ito ra.

⁶A a so Yusufu a denbayaan yii nɛn a Misiran yamanan yɛngɛ waxatin naxan yi. En yi xuina nde mɛ en mi yi naxan kolon,

⁷A naxa, “N bata goronne ba ɛ xun ma. Ɛ bata goron binyen dɔxɔ.

⁸Ɛ yi tɔrɔni waxatin naxan yi, ɛ yi n xili n yi ɛ xunba. N yi ɛ yabi foye gbeeni. N yi ɛ kɛɲaan fɛsɛfɛsɛ Meriba igene yi.”

⁹“N ma yamana, ɛ ɛ tuli mati n ma maxadi xuine ra. Isirayila, xa ɛ yi n xuiin namɛ nun!

¹⁰Ɛ nama Ala gbɛtɛ batu! Ɛ nama ɛ xinbi sin ala gbɛtɛ yo xa!