Yaburina 73:1-21

¹Asafi a bɛtina. Ala fan Isirayila ra han! A fan bɔɲɛ sariɲanxi kanne ra.

²Koni fayida n bata yi tantan, n kiraan beɲin.

³Amasɔtɔ n yi wasodene maxɔxɔlɔnma nun n muxu ɲaxine sabatixin to waxatin naxan yi.

⁴E mi kɔntɔfilixi sese ra mumɛ! E fatine fan, e kɛndɛ.

⁵E mi sɔxɔlɛxi sese ra alo bonne. Adamadiine tɔrɔne mi e tan lima.

⁶Nanara, wasona e yi alo ɲɛrɛn muxune kɔɛ. Gbalona e yi alo domaan muxune ma.

⁷Turena e fatini han e yɛtagin bata yikusin. Fe ɲaxin nan e bɔɲɛni han!

⁸E gelen muxune ma, e fala ɲaxine ti. E muxune ɲaxankatama wasoni.

⁹E fala ɲaxine tima Ala ma, e dɛ ɲaxu falane dunuɲa birin yi.

¹⁰Nanara, yamaan biraxi e fɔxɔ ra, e falane xɔnla yi e suxu alo igen min daxina.

¹¹E naxa, “Ala nanse kolon? Kore Xɔnna Ala nɔɛ na kolonɲɛ di?”

¹²Muxu ɲaxine na kii nin. E bɔɲɛn saxi waxatin birin, e lu nafunla sɔtɛ tun!

¹³Nayi, n luxi tinxinyani nɛn fuu! N yi n yɛtɛ rasariɲan fuyan!

¹⁴N tɔrɔxi lɔxɔ yo lɔxɔ! I n hakɛn saranma n na xɔtɔn yo xɔtɔn!

¹⁵Xa n yi falan ti alo e tan, nayi, n yi i ya muxune yanfama nɛn nun.

¹⁶Nanara, n yi kata feni ito famudeni, koni, a yi xɔdɔxɔ n ma.

¹⁷Han n so Alaa yire sariɲanxini waxatin naxan yi, n yi n miri e raɲan kiin ma.

¹⁸Ala, i e tima yire salaxunxin nin, e birama dɛnaxan yi, e kala.

¹⁹Nba, e halagima nɛn mafurɛn, gbalon yi e ɲan sasa!

²⁰E luxi nɛn alo xiyena naxan ɲinanma muxun na xɔtɔnni. Marigina, i na keli waxatin naxan yi, e tununma nɛn.

²¹N bɔɲɛn yi sɔxɔlɛxi waxatin naxan yi, n niin yi sunuxi,