Yaburina 52:2-9

²A naxan ba, Dowegi Edɔn kaan to siga Sɔli fɛma, a naxa, “Dawuda bata siga Aximeleki a banxini.”

³Ee! Muxu gbeena! Nanfera i kanbama i ya fe ɲaxine yi? Alaa hinanna luma nɛn habadan!

⁴I feene yitɔnma bonne kala xinla ma. I lɛnna luxi nɛn alo filɛ xɛnxɛna. Ee! Yanfantenna!

⁵Fe ɲaxin nafan i ma dangu fe faɲin na. Wulen nafan i ma dangu ɲɔndin na.

⁶Ee! Wuledena! Fala xɔlɛne rafan i ma!

⁷Nanara, Ala i raxɔrima nɛn habadan! A i suxuma nɛn, a i ba i konni. A i bama nɛn kɛndɛ muxune yɛ dunuɲa yi.

⁸Tinxin muxune ito toma nɛn, e gaxu. Nayi, e gelema i ma nɛn, e naxa,

⁹“Na xɛmɛn mato, naxan mi Ala findi a kantanmaan na. Koni a yigin saxi a nafulu gbeen nin. A fangan sɔtɔxi a boden kalan nan xɔn.”