Yaburina 38:6-17

⁶N ma korone bata kun, e xirin yi mini. Amasɔtɔ daxun nan yi n na nun.

⁷N bɔɲɛn bata kala han n yi n xun sin. N lu wugɛ n bɔɲɛni fɛriɲɛn gbɛn!

⁸N fatin birin wolonxi n ma kati! Kɛndɛya yo mi fa n fatini.

⁹N bata yelefu bɔxɔn ma, n bata kala feu! N bɔɲɛn tɔrɔxi, n kutunma, amasɔtɔ n sɔxɔlɛxi.

¹⁰Marigina, n naxan fenma, i na kolon. I bata n kutun xuiin birin mɛ.

¹¹N bɔɲɛn dinma, n fangan bata ɲan. N yɛtagin bata yitɔɲɔn.

¹²N xɔyine nun n dɔxɔ bodene mi fa fama n fɛma amasɔtɔ n ma furen xɔn. Hali n kon kaane bata e makuya n na.

¹³Naxanye waxi n faxa feni, ne bata lutin nati n yɛɛ ra. Naxanye waxi n maxɔlɔ feni, ne n kala feen falama. E mi xadanma fe ɲaxi yitɔndeni.

¹⁴N bata liga alo tuli xɔrina, n mi fe mɛma. N bata liga alo bobona, n mi fala tima.

¹⁵N bata liga alo muxun naxan mi yabin tiyɛ amasɔtɔ a mi fe mɛma.

¹⁶Koni Alatala, n xaxili tixi i tan na. I n yabima nɛn, Marigina n ma Ala.

¹⁷N naxa, “I nama tin n yaxune yi e xunnayeren n na, e nama ɲaxan n ma tɔrɔn na.”