Yaburina 35:21-26

²¹E feene falama n xun ma, e sɔnxɔ, e naxa, “Yɔ! I naxan ligaxi nxu bata a to!”

²²Alatala, i tan bata ne to, nayi, i nama i dundu. Marigina, i nama i makuya n na!

²³Marigina, keli, i yi n xun mayɛngɛ. N ma Ala, n ma yɛngɛn so.

²⁴Alatala n ma Ala, yoon fi n ma bayo i tinxin. I nama tin n yaxune yi ɲaxan n ma fe ra.

²⁵I nama tin e yi a fala, e naxa, “Yɔ! Nxu bata a manɔ! Nxu yi waxi na nan tun xɔn ma!”

²⁶Muxun naxanye sɛwama n tɔrɔ feen na, Ala xa ne rayagi, a e yifu. Ala xa ne rayagi, a yi e rayarabi naxanye e yɛtɛ yitema n ma.