Salmo 35:21-26

²¹Din kali da yan napalalo. Kanan da, “Hala, inila min inamag mo.”

²²Ngem sik-a ay Yahweh et inilam na, isonga adim igiginek, somag-en ka.

²³Apok ya Diyos ko, pomika ka ta din kalintegak, ipaneknek mo koma.

²⁴Ikeddeng mo ay magay basol ko, tan nalinteg ka, Yahweh ay Diyos ko. Adim ipalobos ay manragsak dan kalaban ko begew sin ligat ko.

²⁵Adim ipalobos ay kanan da en namingpingsan ay inmabak da et natongpal din layden da.

²⁶Sapay koma ta din amin ay maragsakan ya mangingatos awak da gapo sin enak panligligatan et maabak ya mababainan da ya adi da ammoy amagen da.