Yaburina 16:2-11

²N bata a fala Alatala xa, n naxa, “N Marigin nan i tan na. Se faɲi gbɛtɛ mi n yii ba i tan na.”

³N sɛwaxi yamanan muxu sariɲanxi gbeene nan ma fe ra.

⁴Naxanye suxurene batuma, ne tɔrɔyaan gboma ayi nɛn. Koni n tan mi saraxan bɛ e xa, n dɛ mi e xinle falɛ.

⁵Alatala, i tan nan keden pe n yii, i maragidi faɲin fima n ma. N ma dunuɲa yi gidina i tan nan yii.

⁶Ala naxan soxi n yii, na rafan n ma, n bata sɛwa n ma kɛɛ sɔtɔxin na.

⁷N barikan birama Alatala xa naxan n kawandima. Hali kɔɛɛn na, n xaxili sɔtɛ.

⁸N xaxili Alatala xɔn ma waxatin birin, bayo a n dɛxɔn ma, sese mi n mamaxɛ.

⁹Nanara, n bɔɲɛn sɛwaxi, n niin yi yifan n ma, n yi n matabu bɔɲɛ xunbenli.

¹⁰Amasɔtɔ, i mi i mɛ n na, n siga laxira yi. I mi tinɲɛ i ya muxu tɔgɔndiyaxin yi kun gaburun kui.

¹¹I nii rakisi kiraan yitama n na nɛn, nanara n sɛwama nɛn i yɛtagi han! Nii fanna mi ɲanɲɛ i dɛxɔn ma habadan!