Salamo 16:2-11

²Ea ribalau GUIAU arinai ea ene, “Oa egu Guiau ede; egu lolo ede oabom mo arim eai.”

³Oa em hetabu tataodi isi heasisi tataodi ede, egu nualolo maudoina isi wa aridi eai.

⁴Tatao wa isi eaubada esau se hineri isibom edi nuadubu se helai; edi aitalasam osiosina taba nige ea hegoigabaedi, esadi taba nige ea abidi sopagu eai.

⁵GUIAU ia egu hinehineri tupona ede, eo egu abanom, egu mauri ede oabom nimam eai.

⁶Dobila lolodi aridi eai u woeawoeaigu, mamohoi em ainauia enagu i sae ariri.

⁷GUIAU ea ribatausaei ia tauribahesanapugu; maiona huiana eai hinage nuagu eai i heaheatagu.

⁸Huia gamagari GUIAU ea itadidini matagu eai, paana ia nima‐tutugu eai abo taba nige ea moiu.

⁹Arinai nuagu i lolo ariri, eo earuagu i kodelamposi, taugu hinage i ota komakomani.

¹⁰Paana oa taba nige u moselaegu Hade eai, eo taba nige u eari em hetabu tauna Duha lailai i ita.

¹¹Mauri dobilana oa u heiheitagu; oa matam eai kode saesaena mo, nimatutum eai amna lolo mo, i lau e ana huia ana tasi.