Yaburina 145:8-19

⁸Alatala diɲa, a kininkinin, a mi xɔlɔn xulɛn, a hinanna gbo.

⁹Alatala fe faɲin nabama muxun birin xa. A kininkininma a daala birin ma.

¹⁰Alatala, i ya dali seene birin i tantunma nɛn. I ya tɔgɔndiya muxune birin barikan birama i xa nɛn.

¹¹E i ya mangayaan binyena fe falama nɛn. E mɔn yi i sɛnbɛna fe yɛba

¹²alogo muxun birin xa i kɛwanle kolon, e nun i ya mangayaan binye gbeena.

¹³I ya mangayaan findixi habadan mangayaan nan na. I sɛnbɛn luma nɛn mayixɛtɛne nun mayixɛtɛne xun na. Ala a dɛ xuine birin nakamalima, a hinan a daala birin na.

¹⁴Alatala ne malima nɛn naxanye biraxi, a yi muxune rakeli naxanye felenxi.

¹⁵Birin yɛɛn tixi i tan nan na alogo i xa donseen so e yii a waxatini.

¹⁶I tan nan i yiin nabima, i yi donseen so niimaseene birin yii.

¹⁷Alatala feen birin ligama tinxinna nin. A hinan a kɛwanle birin yi.

¹⁸Alatala maso na muxune ra naxanye a xilima, naxanye birin a xilima ɲɔndini.

¹⁹A a yɛɛragaxu muxune rafan feene ligama nɛn, a e xuiin mɛ, a yi e rakisi.