Kap 145:8-19

⁸Yawe da nin do nandaŋ yawok nimɨŋek bupmɨ nandaŋ nimɨsak. Butjap tepmɨ dɨma nandaŋek but dasi galak taŋ nimɨsak.

⁹Amɨn morap kɨsi do aŋpak tagɨsi aŋyomɨsak. Aŋek yo morap wasagɨt uŋun do bupmɨkon da kɨlani asak.

¹⁰Yawe, yo morap wasagɨl uŋun da mango aŋkɨsini. Mɨŋat amɨn kabɨgo da mango aŋkɨsini.

¹¹Amɨn kɨla agakgokon tɨlɨmgo tosok uŋun do yokdaŋ. Aŋek tapmɨm madepgo dakon geni yokdaŋ.

¹²Yaŋ aŋakwa amɨn morap da pi madep asal uŋun do nandani. Aŋek gak kɨla amɨn madep tapmɨmɨ toŋ egɨsal ae mango wukwisi tosok yaŋ nandaŋ gamni.

¹³Gak kɨla amɨn madep dagok dagogɨ mɨni egek amɨn morap kɨlani akdɨsal. Yawe yaŋ teban tok gen yagɨt uŋun kɨnda dɨma yapmaŋek guramɨk kɨmokdok. Nin paŋpulugok do yo tagɨsi gɨn asak.

¹⁴Jɨgɨni toŋ amɨn paŋpulugaŋek amɨn da pabɨŋ yopmaŋgaŋ amɨn uŋun paŋenakban tagɨsi ekwaŋ.

¹⁵Yo morap egɨp egɨpmɨ toŋ jap do aŋ bɨsapmon gagon sɨŋtaŋba wɨkwan jap upmokdol.

¹⁶Jap gat ae yo morap gat arɨpnikon yomaŋaki tagɨsi ekwaŋ.

¹⁷Yawe uŋun aŋpak kɨlegɨ gɨn asak. Yo morap wasaŋ yopguron aŋpak tagɨsi baŋ aŋyomɨsak.

¹⁸Butdasi nandaŋek bɨsit iyaŋ amɨn Yawe uŋun amɨn da kapmatjok egɨsak.

¹⁹Iyɨ do pasolgoŋ amɨn yo nido galak toŋ uŋun yoban tɨmɨkgaŋ. Bɨsitni nandaŋek yokwikon baŋ tɨmɨkdak.