Yabura 81:10-16

¹⁰Wo naxa Ala gbɛtɛ batu, wo naxa wo xinbi sin Ala gbɛtɛ ma.

¹¹N tan nan na wo Marigi Ala ra, naxan wo ramini Misira bɔxi ra. Wo wo dɛ rabi a belebele ra, n a rafema nɛ.»

¹²«Kɔnɔ n ma ɲama mu a tuli matixi n na, Isirayila mu n xui ratinmɛ.

¹³Na kui n naxa e lu e xa bɔɲɛ xɔrɔxɔya kui, e xa ɲɛrɛ e yɛtɛ xaxili ma.

¹⁴Xa a sa li nu n ma ɲama naxa a tuli mati n na, xa Isirayila sa tin n ma kira ra nu,

¹⁵n fama nɛ a yaxui birin nayaagide keren na, n e ragoro tɛmui birin.

¹⁶Alatala yaxuie fama gaaxude a ya ra, e halaki abadan.