Pisalem 81:10-16

¹⁰Au go Yihowah, go di godou God, dela ne laha mai goodou gi daha mo Egypt. Hanga ina godou ngudu gi daha, gei Au ga haangai goodou.

¹¹“Gei agu daangada hagalee hiihai e hagalongo mai gi di Au. Israel gu hagalee daudali agu helekai.

¹²Gei Au gu diiagi hua digaula gi lodo nadau manawa de hagalongo gi heia nadau mee ala e hiihai ginai.

¹³Au bolo agu daangada la belee hagalongo mai gi di Au, gei Au e hiihai bolo digaula belee daudali agu helekai,

¹⁴gei Au ga hagalimalima ga haga magedaa nia hagadaumee digaula, gaa kumi digau huogodoo ala e hai baahi gi digaula.

¹⁵Digau ala e hudi nadau wou mai gi di Au la ga mmaadagu gaa pala gi lala i ogu mua. Nadau hagaduadua le e hana hua beelaa, hagalee lawa.

¹⁶Gei Au ga haangai goodou gi nia palaawaa ala e koia e humalia, gaa hai goodou gi maaluu gi nia mee maangala lamu llauehe!”