SAM 81:10-16

¹⁰Nakan na Buyambam tapasa, na gindane Anutusa. Natakan ginu Isip kep komune pake danipakapbum. Ginu genza akngawa nata nanamu genzeetang pewit.

¹¹Siwan ngana natane aminabamu natane wamu natapnangge apbitaking. Siakande siknga, Isrel nanata natane wamu tawanangge dua tasiking.

¹²Unzingge nata kapewa yamandet takngana tawake tasiking. Tasike sanga ina natapbing kakngakan tawake tasiking.

¹³Sike ninane aminabamu natane wam natapningge take siknga nataat. Siwan nata Isrel nana aminda na baniu asinggan tawaningge nataat.

¹⁴Sike unzing tasiwanu, nata zeetgaman iwana ayaipapakusiwit. Yaipapaakusike waaminkat amake nata asiknga yapbimbit.

¹⁵Yapbimba aminu na Buyambamtapa yuatde apbitakaingu nae asiknga gwauke munu nae putning. Siwan asingganu nata meya yamuwawa kaning.

¹⁶Siwan ngana nata ginu nanamu wit ngang yanikaingunin damunangge nataat. Nata iningok dama napan musipza atdopikge nataat.”