Yabura 5:6-11

⁶Yɛtɛ igboe mu tima i ya i. I tinxintaree birin xɔnxi.

⁷I wule falɛ rahalakima. I faxatie nun yanfantee xɔnma.

⁸Kɔnɔ n tan soma i xa banxi kui i xa fonisireya saabui nan na. N nan n igoroma i xa hɔrɔmɔbanxi sɛniyɛnxi kui gaaxui ra.

⁹Alatala, n yaxuie xa fe ra, n xun ti i xa tinxinyi ra, i xa kira yailan n ya ra.

¹⁰Nɔndi mu na n yaxuie xa masenyi sese kui. E yuge mu fan. E xa wɔyɛnyi mixi rafilima nɛ, barima e dɛ iɲɔxun.

¹¹Ala, e ɲaxankata. E xa yanfɛ xa gbilen e ma. E keri e xa fe kobi ma, barima e bara i matandi.