Miti Mânec 5:6-11

⁶Burecdâŋ eeŋgopieŋ jaŋe bâsirowec‐jopaekic, sochâro â eeatuc ŋic jaŋere takicguekac.

⁷No ine miriŋge sâc tâmiric fokacte, ufuŋgao raʒizo mukopac. No tiri ufuŋge maickehuctecne, araŋ bagarehuc dape‐garepemu.

⁸O Wofuŋ, go râsifâc‐nane jaŋere erâ, gahacne tiŋne hatao jowacnuzemec; hatage mai‐naneo bâwâneŋkezemec.

⁹Jaŋere micko jâmbomac dâŋ moc mi fuaekac, sisipiric ine maŋkerâ jueŋgopieŋ; marac‐jeŋic i hâmoc qâŋɋâŋ bâbâfua, nameŋ‐jeŋic i wokemaŋ rurua.

¹⁰Anutu, go mutec kiŋjeŋiczi kimuŋ‐jopazejec, ehame jaŋacne bitiŋko kinʒepieŋ. Sindaŋ boc eeŋgopieŋte tuŋjopazemec, go hâcne fegarembiŋ i.

¹¹Dapeŋgao soŋkeeŋgopieŋ jaŋe ine ʒeri efârenʒepieŋ, jaŋe bubiaŋ gae hehuc jaha domanʒepieŋ. Â goki ine sacfozic ejarezemec, eme ʒâŋegere aŋac‐jopaekac jaŋe kiwae‐garenʒepieŋ.