Y Salmo Sija 39:3-11

³Y corasonjo maepe gui sanjalomjo: anae jujajaso, y guafe mañoñonggue: ayo nae cumuentos yo yan y jilajo.

⁴Natungo yo, Jeova, ni uttimoco, yan y medidan y jaanijo cuanto guaja; natungoyo jafa na checayo.

⁵Estagüe na un atafja unnae y jaanijo; ya y sacanjo calangja taya gui menamo: sen magajet na todo y taotao taebale anae guaja mas balotña.

⁶Senmagajet na calang anineng jumajanao todo y taotao: senmagajet na taesetbe y atborotoñija: Sa manrecocoje y güinaja ya ti jatungo jaye y chinile.

⁷Ya pago, Jeova, jafa junangga? y ninanggaco gaegue guiya jago.

⁸Nalibre yo gui todo y tinaelayeco, chamoyo pumopolo na jumanamamajlao gui taetiningo.

⁹Guajo mamatquilo, ti jubaba y pachotto: sa jago fumatinas.

¹⁰Najanao guiya guajo y sinaulagmo: sa pot y tinetpen y canaemo lumachaeyo.

¹¹Anae unnatunas y taotao nu y linalatde, pot y tinaelaye, ninalachae y bonituña taegüije y puliya: senmagajet na todo y taotao taebale.