Y Salmo Sija 138:1-6

¹Y Salmon David. BAE junae jao grasias contodo y corasonjo: gui menan yuus sija, jucantaye jao ni y alabansa sija.

²Jufanadora para y santos na templomo, ya junae y naanmo grasias pot y cariñoso na güinaeyamo, yan pot y minagajetmo: sa unnadangculo y sinanganmo mas qui y naanmo.

³Y jaane anae juagang, jago umopeyo, ya unanimayo, ni y minetgot y antijo.

⁴Todo y ray gui tano unmannae jao grasias, O Jeova, sa jagasja majungog y sinangan y pachotmo.

⁵Magajet na ufanganta ni y chalan Jeova; sa dangculo y minalag Jeova.

⁶Masquesea taquilo si Jeova, lao jarespetaja y managpapa: lao y sobetbio jatungoja desde y chago.