Text copied!
CopyCompare
Anutu Sua Kini Potomaxana - Mboe - Mboe 138

Mboe 138:1-6

Help us?
Click on verse(s) to share them!
1Mboe ki Dabit O Yooba, nio leleŋ ambai pu, mi leleŋ imap ipakuru! Nio aŋbo mboe pakurŋana pa nu itum tamen. Merere toro sa som. Tana sombe merere pakan tire yo, na tire yo lak!
2Nio motoŋ ima pa urum ku mi aŋlek kumbuŋ pu. Mi leleŋ ambai pu mi aŋpakur zom! Pa nu toto sua ku mbukŋana, mi urur lelem pa wal ku mi muŋaiŋai zin. Nu zom biibi kat. Tamen mbulu pakan ta mbuk sua pa be kam, inako ikam ma zom biibi ma ilip.
3Indeeŋe ta aŋtaŋroro u be uulu yo na, nu leŋ suŋŋana tio, mi pombol yo, mi kam yo ma niŋ ise.
4O Yooba, king ta boozomen ki toono, sombe tileŋ sua ta ipet pa kwom, nako lelen ambai pu mi tipakuru.
5Ko timbo mboe mi tipakuru pa zom biibi, mi mburom, mi mbulu ta kamam pizin na.
6Ŋonoono Yooba, nu biibi mi mbotmbot sala kor kat. Mi motom iŋgalŋgal zin wal sorrokŋan. Tamen zin wal tau tipakurkur zitun na, nu ute zin lup. Pa nu motom molo.

Read Mboe 138Mboe 138
Compare Mboe 138:1-6Mboe 138:1-6