1Davidi lɛ. Má n sáaukpa ń nↄ̀sɛmɛndoo, má n táasilɛ gbãadeↄ aɛ.
2Má kúlɛ n kpɛ́ pↄ́ a kua adoa aɛ, má n tↄbↄ n gbɛ̃kɛ ń n náaio yã́i, asa ḿmɛ ń tò n tↄ́ ń n yã́o zↄ̃ↄ dɛ pↄ́piia.
3Gↄↄ pↄ́ ma lɛzùnzi, ń wèa, n ma gba wↄ́ↄ ń gbãao.
4Tó dṹnia kíaↄ yã́ pↄ́ ń ò mà, aa n sáaukpa ń píi, Dii.
5Aa lɛsi Dii kɛkɛáↄ yã́ musu, asa Dii gawi zↄ̃ↄɛ.
6Baa ń Dii kuamusukɛo, ì gbɛ̃́ kɛ̃́sãanaↄ wɛgwa, ì wɛvĩ gbɛ̃́ pↄ́ aalɛ e wà kàↄla.
Soũↄ 138
Soũↄ 138:1-6