Waiwia 8:10-35

¹⁰A irail karoj peiki on i, me tikitik o me lapalap akan katitiki: Men et iei manaman en Kot me lapalap.

¹¹A re kin peiki on i, pweki a kin kotokotaue irail jan maj kokodo.

¹²A re lao kamelele Pilipuj, me padaki duen ronamau en wein Kot o duen mar en Iejuj Krijtuj, rap paptaijela, ol o li akan.

¹³Jimon pil ian pojonlar, I lao paptaijelar, ap waroki on Pilipuj. A lao udial kilel o manaman akan, me wiauier, ap puriamuiki.

¹⁴Wanporon akan me kotikot Ierujalem lao mani, me Jamaria ian duki on majan en Kot, rap poronelan irail Petruj o Ioanej.

¹⁵Ira lao kotido, ap kapakapa kin irail, pwe re en tunole Nen jaraui.

¹⁶Pwe a jaikenta moredi on amen irail. Re paptaijelar eta ni mar en Kaun Iejuj.

¹⁷Ira ari kotiki on po ’rail lim ar akan, irail ap aleer Nen jaraui.

¹⁸Jimon lao kilaner, me Nen jaraui kokido en wanporon oko ara pwil po ’rail lim ar akan, ap men ki on ira kijin moni.

¹⁹Indada: Koma pil kotiki don ia manaman wet, pwe ma i pan pwil pon amen pa i kat, i en ale Nen jaraui.

²⁰A Petruj majani on i: Noum moni en ian uk lokidokila! Pweki om kiki on, me mana en Kot kokido moni.

²¹Nan jota pwaij om de om tunol ni dodok wet, pwe monion om jota inen mon Kot.

²²Ari, kalukila om jued wet, o poeki ren Kaun o, ma a jota pan kotin makeki lamelam jued nan monion om.

²³Pwe i kilaner, me koe me dir en edi katik o teniten ni me japun.

²⁴Jimon ap japen indada: Koma kotin kapakapa kin ia ren Kaun o, pwe mepukat, me koma majani on ia, ender pwai don ia.

²⁵A ira lao katitiki o kotikida majan en Kaun o, ap purelan Ierujalem, o padak jili ronamau nan kijin kanim en Jamaria toto.

²⁶A tounlan en Kaun o majani on Pilipuj: Uda kola pali air pon al o, me kodi jan Ierujalem, ko on Kaja me tan!

²⁷I ari uda japalewei. A kilan, ol en Etiopia, jaumaj manaman en Kandaje, li nanmarki en Etiopia, me kokoaki a dipijou karoj, me kotido, pwen kaudok nan Ierujalem.

²⁸A ni a purela jap we, a kotikot pon dakepa o dondoropwe jaukop Iejaia.

²⁹Nen o ap kotin majani on Pilipuj: Kai on o ianala dakepa!

³⁰Pilipuj ap tana won i, ap ronadar a dondoropwe jaukop Iejaia majani: Komui weweki, me komui doropwe?

³¹I ari majani: Pala i pan aja, ma jota, me pan kawewe on ia? I ari poeki ren Pilipuj en kereda mondi re a.

³²A iet waja nan kijin likau o me a wadoker: Duen jip amen, me pakara wei, pwen kamela, o duen jippul, me kin nenenlata pan me kote jan wun a, iduen a jota kotin dauaja pajan jilan i.

³³A ni a karakarak a jolar pakadeikadar. A ij me pan kak kaweweda duen jau i kan? Pwe a ieiaj wijike janer jappa.

³⁴Jaumaj ap japen Pilipuj majani: I men poeki re omui, ij me jaukop katitiki met? Duen pein i de duen amen?

³⁵Pilipuj ap kotiki pajan au a, padaki on i ronamau en Iejuj, tapiada nan kijin likau wet.