Te Israel me Juda Hani Sigo Tuni Bidigo Po Elalubo Buku Deli 5:10-16

¹⁰Tama tialima, Hiramgo te ni bǫ me wuli te hauwa mu te Solomonba tolali, te Solomongo dąį ilali namba usu nama tama tolai dao.

¹¹Tama te tigidali kibu bede Solomongo Hiramba te 2,000 ton wit me 4,000 lita te wiegi yai oliv wel madu geani, te Hiram dali te aga hani daligo tuabo nai te tiwai toloyu yai dao.

¹²Genuai Bidigo te aga bomai po dąų walali gilama te koneani wiegi yai homu kolesaga te Solomonba mawai. Tama Hiram dali Solomon si te wiegi yai abagi mu pedelali. Tama augwa si tomode te bugagia bidabo bomai po dąų walali.

¹³King Solomongo te Israel bulu tǫ tigidali pedai badu te 30,000 bidi selama, tama augwaliba weyu, agai te sę yao po wai dao.

¹⁴Agai augwali te hani sela dobayu elama, tama augwali deli deli hanide te 10,000 bidi elaluali. Tama te tigidali poluade te hani me deli te Lebanonba sę igi peyu, te polua deli bidama, tama augwa ma asiyu yai. Tama gasa hanigo augwali bidali pesageba hasegelama, peyu yai. Te hani sela te hasegeliyu, hasegeliyu, te tiwai yali, tama te kolesagade te deli deli hani te polua deli sę igi pelama, tama ma aselama, te augwa pesagede polua si bidiyu yali. Adoniramgo te sę ebo bidi hani dabe tonalu bidai dao.

¹⁵Tama Solomongo te masigi togwabo te 80,000 bidi me selama, tama augwali te bulu du pesagede te masigi togobo sę yali. Tama agai te masigi dabe tolabo bidi te 70,000 bidi salio.

¹⁶Tama agai te sę tonaluabo bidi dabe te 3,300 bidi nigilali.