1 HANUA PAVAPAVADIA 5:10-16

¹⁰Taunabunai, Hirama ese sida bona beroso audia na Solomon e henia, ena ura idoinai e haheḡereḡerea;

¹¹a Solomon ese uit koro gerebu-rua na Hirama e henia, ena ruma taudia adia, bona dehoro ḡoevaḡoevana koro gereburua danu. Una na laḡani ta ta amo Solomon ese Hirama e henia.

¹²Iehova ese aonega na Solomon e henia, e gwau henia hamata heḡereḡerena; bena Hirama bona Solomon e herohemaino heheni, bona e gwauhamata heheni.

¹³Bena King Solomon ese ḡaukara taudia e abidia, Israel taudia iboudiai bogaragidia amo; ḡaukara taudia iboudiai na gerebu toi.

¹⁴E siaidia, Lebanon baela, hua ta gerebu ta hua ta gerebu ta, unu e siaidia toma; bena hua ta Lebanon ai e nohova bona hua rua edia hanua ai. Adoniram ese ini ḡaukara taudia e biagudia.

¹⁵Solomon ese kohu ihuadia taudia gerebu hitu bona nadi-utu taudia gerebu taurahani danu e abidia, ororo kahadia ai e haḡaukaradia.

¹⁶Solomon ena heitatao taudia na daha-toi sinahu-toi; idia ese ḡaukara e itaia tao bona ḡaukara taudia e biagudia.