1. King 5:10-16

¹⁰Iei mine Hairam a ngeni Salomon ekewe irä setar me saipires won ükükün an mochen,

¹¹nge Salomon a ngeni Hairam ina epwe ükükün ipükü rüe me limungeröü tuk wiich, pwal ina epwe ükükün ipükü engol me limungeröü kalon apüra seni föün olif, pwe enen chon leimwan iteiten ier.

¹²Iwe, ewe Samol mi Lapalap a ngeni Salomon tipachem usun a pwon ngeni. A wor kinamwe lefilen Hairam me Salomon, nge ir me ruoman ra föri eu pwonen atipeeufengen.

¹³Iwe, ewe king Salomon a achufengeni eu mwichen chon angangen kinroosi seni lein chon Israel meinisin iteiter ilik ngeröü mwän.

¹⁴A kiniir lon ülüngat mwich, eu mwich nge engol ngeröü. A tinala eu mwich pwe epwe angang lon Lepanon lon ükükün eu maram, nge ruu mwich repwe nom lon lenier lon ükükün ruu maram, nge repwe akasiwil. Iwe, Atoniram a wisen nemeni ewe mwichen chon angangen kinroosi.

¹⁵A pwal wor ükükün fik ngeröü nöün Salomon chon uwochou me walik ngeröü chon tuw fau lon ewe fanü mi chukuchukutä.

¹⁶Lükün ekei chon angang a pwal wor ükükün ülüngat ngeröü ülüpükü souemwenin angang mi nemeniir o tümwünü ewe angang.