Taha Bapare Sâcmutâc 24:1-5

¹Wofuŋzi Mose kecʒiŋuc âzâcnewec:

²“Go Israe ŋic jazatec oliwa hândâŋne bâpisickekicne irec wokemaŋ ɋaɋacne lambere biŋe bafisipie ʒahuc ʒuʒuhuc jaha tamaehuc fozejec.

³Tutumaŋ qoruc bozeo qorac tapa katapa ŋekac irec ââketâc râpenao ira Aroŋzi ʒure emasaŋ ezejec; eme hae owâeme Wofuŋte maio qazeme ʒahuc ŋeha hae furezejec. Dâŋ izi gaŋne gaŋne dâŋsanaŋ‐ŋeŋic erâ forahuc juzejec.

⁴Lambe kikene golzi bakicne irec faio lambe ŋekac i ʒure emasaŋ eme Wofuŋte maio ʒuʒuhuc jaha ʒahuc ŋezejec.

⁵“Eme go poroŋ uucne rorâ nânâ poroŋ 12 rikezemec, nânâ poroŋ mocjahare sâc ine poroŋ uucne tase moc irec teŋkonec jajahec rocjofazemec.