Taha Bapare Sâcmutâc 19:3-11

³Ŋoŋe sasawa neŋgoc mamacfâc‐ŋeŋic sâsec‐jopanʒepieŋ, erâ sabata hombaŋ‐nanere manapie tirine ezejec. No Wofuŋ ŋoŋere Anutu hâcne.

⁴Ŋoŋe nemuɋâŋ jaŋerao mi qohotanʒepieŋ, ehuc ɋâŋ qâqâtâc wâc mi banʒepieŋ. No Wofuŋ ŋoŋere Anutu hâcne.

⁵“Ŋoŋe wama bâzi rikezo murâ ine mumutâc dâŋte sâcko rikepie Wofuŋzi mana‐ŋareme biaŋkezejec.

⁶Wama bâzi rikeniŋmu i ʒoaŋ ijaha me hae fureme nânʒepieŋ; â tiwâne foha ʒoaŋ jahec â moc eocmuo ine ʒocko râepie ʒazejec.

⁷Me ʒoaŋ jahec â moc eha sifu nâniŋmuo ine wiac mamakâcne eme Wofuŋzi mana‐ŋareme mi biaŋkeocmu.

⁸Moc e wiac i eocmuzi kiŋ hureocmu, e Wofuŋte wiac tirine irec maname wawahane ewecte. Ŋic iŋucne e âgofâcne jaŋere ŋondeŋkonec bâsirowezo.

⁹“Ŋoŋe padi wiac qa roro ehuc gie qaŋeŋnao doma rakac i mi rofârenʒepieŋ; â kisecne doma raocmu i wâc mi unucke‐fârenʒepieŋ.

¹⁰Waiŋ hândâŋne i iŋuc jaha furu mi bâtâcne‐fârenʒepieŋ, â mâreŋko waharâ fokac i wâc mi nusehuc ŋic hapetac â jabane jaŋere biŋe behepie fozejec. No Wofuŋ ŋoŋere Anutu hâcne.

¹¹“Ŋoŋe fiuc mi ronʒepieŋ â eeatuc ehuc burec eec wâc mi enʒepieŋ.