14«Ziilɛi zalaɠaiti ka gè ɠɛa ti ɠulazu, za nɔ ɠa gè nà-minazeɠegi laazeeliai la.
15Wɛlɛ nii ɠa é kɛa gè ɠula, gè ʋa è laaɠomisu, gè ɠɛa pɔ gè è ɠa, gè è ɠaa.
16Gè nà-betei ɠaaɓɛtɛa, ga dasuzeɠei suʋuai, ta geze zeɠei é ga Ezipete gelei.
17Gè dàazuʋɛ makugi nɛa ga, miilegi, ta alɔwɛgi ta kanɛlegi.
18Ʋa de lɔ ziimaɠɛɛi zu, eyɛsu sobui zeeli, de lɔ ɓɔɠɔyiimai ma nɛɛbɛi zu.
19Mazɔlɔɔ sìnigi la ʋɛ, pɛlɛi wu, diiʋɛ siɛ ɠooza ma.
20É wali mɔinmɔin seɠeʋɛ ya, kɛni alugi a zeina gize la, é ʋa ʋa.»
21É vɔnini ma ga ná-keleɠelegi, é mɛɛnni ga ná-woo nɛɛnɛgiti.
Tɛnɛ Faalaaliiti 7
Tɛnɛ Faalaaliiti 7:14-21