Tɛnɛ Faalaaliiti 21:6-11

⁶Niiti ti ta-ɓɛtɛi zɔlɔɔsu zɛɛi zu, ta ga faaɠaaɠaalala nuiti ti ɓizɛzu, ti lɔ saai zu.

⁷Faa ɲɔu ɠɛ nuiti ta-zuɲɔi ɠa ɗa li ga tiye, mazɔlɔɔ ti la vaani bu, ti ʋa ladalai ɠɛ.

⁸Ɲamaba nuiti ta ɗa ʋilɛ pele ɠɔɔngugi ʋolu, kɛlɛ lada nuiti siɛ ʋelei zɔlegɛ.

⁹Fizɔgɛ nu zei fiilɛ zosuʋɛ sokogi zu pɛlɛ ɠɔmaʋɛ, wo ʋa li ɓɔsu zeizu ma, wa kpɔɛleʋe anzanui.

¹⁰Faa ɲɔu ɠɛ nui yiimai ɠa ga faa ɲɔu ɠɛɛ vai, anɛɛ bɔɔlai ɓɔɠɔi, é la loga maazu.

¹¹Maaɠolo ɓakɔi a zeelina waso nui ma, zɔi é la dɛ faa mɔinmɔin kwɛɛ, naa ɓalaa ɠa ɗa ɠi sɔlɔɔ, ɗa ɠima nui ɠalana, toɠa ɗa faaɠwɛgi zɔlɔɔ.