Tɛnɛ Faalaaliiti 21:22-27

²²Ɠima nui ɠa laalɛɛna taa wolai wu, nii salaʋusu ɠɛzɛɠɛzɛgiti ti maaɓɛɛzu, é siɠigi loka, nii taai ɠitogai ba.

²³Zɔi é ɓaazu daaʋɛ maazu ta nɛgi, naa ɠa ɓɔɠɔ ɠizo kidaaʋili faa mɔinmɔin ma.

²⁴Ɲɛɛɠulasu nui ɠa ga waso nui, ta gaazulɛɛ nui, nii waso dateʋegai diizu faiti kɛɛ vai ma.

²⁵Ɲaka nui ɠa ɗa za, tɔɔzei ziima vaiti daa la zeelizu, mazɔlɔɔ é la pɔ é ʋa yeeʋɛɛ fai nɔpɛ ba.

²⁶Yeenɔpɛ, toɠa gaazuɠulapɔi laawu, kɛlɛ telebo nui ɠa ɗa ti pɛ kwɛɛ, é la ta makɛga ɓɔɠɔ ʋɛ.

²⁷Faa ɲɔu ɠɛ nuiti ta-zalaɠai ɠa ga ziimaziɛ ganii, sɔnaga ta ʋaana kulazu ga kisiɛ ɲɔi.