Tɛnɛ Faalaaliiti 18:2-17

²Ɠimalala nui yiima vaa la ga faaɠaaɠaa vai, kɛni ná-kisiɛiti sulɛ vai.

³Siɛgi zu nu ɲɔi ʋaazu la, wɔinzeɠemai ɠa ɗa ʋilɛ polu, ti ʋa. Unfegi ɠa ɗa ʋilɛ ɓaaɠulamai ʋolu.

⁴Nui ɓɔɛ wooiti ti da, ta ga ziɛi buuzeiɗai gola, ɠimalai ma ɗɛungi ɠa ga kɔtuɗɛi, é zulusu.

⁵Maa la nɛɛni, nu ʋa lo faa ɲɔu ɠɛ nui ʋolu, è ʋa telebo nui ʋeelala ná-gaamai zu.

⁶Ɠimalala nui ná-kpɔɛiti ta ɗa sakpegi loo, daawooi ɠa ɗa doɠai maaloli ma.

⁷Ɠimalala nui a ɠɛna ɓɔɛa, toɠa ɗa ɓɔɠɔ ɠoloɠolo fai ɠɛ, kpɔɠɔ wooiti ta ɗa ɠɛ ga baliiti, é ɠɔ ga tiye.

⁸Zɔɠɔzuziɛ nui ná-kpɔɛiti kɛɛʋɛ eɠɛ ani ɲɛmigiti, ta ɗa yei ti zeeli nu ɠoozuʋɛ.

⁹Zɔi é ná-botiɠɛ vai maaɠonɔɔsu, ta ga ani ɠila, ta zɔi é koloɠolosu.

¹⁰Ɠɔoɠɔ GALAGI ɠa ga siɠi golai, telebo nui ɠa ɗa ɓizɛ, é li ná, é ɠɛ ziilɛigi zu.

¹¹Kpɛtɛ nui ná-naavoloi ɠa é ga ná-taa wolai, toɠa ɗa ɠigaiziɛ ga toɠa ga siɠigi, nii a zoo tɔun makɛsu.

¹²Siɛgi zu wasogi nui yiimaʋɛ laavesu da, koloɠolo geei zeelia. Aisa è ʋa unfemai zɔlɔɔ, kɛni è zoo ɓɔɠɔmaayeizu.

¹³Zɔi é gooɠaaʋotegi veezu, aisa é ʋa woilo kpɔɛi ma, é wosu, toɠa ná-ɠimalalai ɠula kɛlɛma, é zɔngɔ zɛlɛ ɓɔɠɔ ʋa.

¹⁴Kisiɛ ʋagɔi ɠa zobo fe nui ʋɛ, é ziɛ seeɓɛi wu, kɛlɛ kisiɛ ʋagɔi a valibona ga iɲɔteʋei, ɓɛ ɠa a pu su ʋolu?

¹⁵Keleɠele nui wɔinʋɛ ga é faaɠwɛgi zɔlɔɔ, ɠima nui ɠa ɗa ɠaaɓa ga é woilo kpɔɛiti ma, ta nu ɠala.

¹⁶Faanɛɛi ɠa ɗa peleiti daalao, é nu laazeeli nu wolaiti ma.

¹⁷Nu mɔungi é ɓaazaɠazu, toɠa ɗa ɠɛ eɠɛ toɠa gaamai zea, eyɛsu tukpɔɲɔɠɔi ʋa é gooiti sakpe.