Tɛnɛ Faalaaliiti 17:22-28

²²Ziilaai ɠa ga kɛdɛya zaɓu wola, kɛlɛ kiteʋei ɠa ɗa nui zuɲɛgi ɓe.

²³Yaava nui ɠa ɗa lobɛanii zo, ti dɔɔɠu seɠei wu, nii a kɛ é tukpɔi maaʋe.

²⁴Ɠimalai maaɓuɠaʋɛ keleɠele nui ʋa, kɛlɛ ɠimalala nui ɠaazuʋɛ ɠa liizu faiti pɔ, niiti é la zooga é ʋa ti zɔlɔɔ.

²⁵Faaɠaaɠaalala loun zunui kɛɛɠɛ ɠa ɗa ɠɛ ziiɓɔlɔi zu, é ɠɛ ga ziiɠoloɠologi naa ʋɛ, nii é sɔlɔɔga.

²⁶É la zolooni, nu ʋa fuun gani ɠula sɔbalala nui ya, toɠa ga telebotala vaa, è ʋa unfema nui loɠa.

²⁷Nui nii é ziaa faa mɔinmɔin su, naa ɠa ɗa dama, é mina ɓɔɛ ga gola, keleɠele nui ɠa ɗa yeeɠɛɠalai zeɠe, é ɗa ɠisiɛ.

²⁸Ɠimalala nui ɓalaa a ɗa leve ga ɠima nu, ni toɠa zoo maaɠɛsu kpɔ. Zɔi é laaɠulusu, naa ɠa é ga zunui nii keleɠelegai.