Tɛnɛ Faalaaliiti 16:4-9

⁴Ani kpein kpɛtɛ ungi ɠa ná, Ɠɔoɠɔ GALAGI ʋɛ, anɛɛ faa ɲɔu ɠɛ nuiti, ta ná maanɔɠɔ voloi ʋɛ.

⁵Waso nuiti maayo ge la Ɠɔoɠɔ GALAGI ʋɛ, koleʋɛ ga ti zalalalai la yɛga.

⁶Faaɠaaza golai ɠa ɗa gba ga nuɓɔɠɔlai ta gaamai, Ɠɔoɠɔ GALAGI ɠaazuluabai ʋɔ, nu ɠa ɗa maaɠooza faa ɲɔi ʋa.

⁷Nui ziɛ ʋelei a nɛɛna Ɠɔoɠɔ GALAGI ʋɛ, toɠa ɗa ti yɔɠɔzuɓɛtɛ ta sili nuiti.

⁸Fizɔgɛ ani goi nu sɔlɔɔsu, é zɔlɔɔ telebodai zu, è ʋa sɔlɔɔ golai wo, yaavai zu.

⁹Nui ɠa ɗa faa zeikpasui ɠɛ, kɛlɛ Ɠɔoɠɔ GALAGI ɠa lo kɔɠɔʋolu pɛ.