Tɛnɛ Faalaaliiti 12:24-28

²⁴Niiti ti botii ɠɛɛzu gola, naati ta ɗa lo faa wolaiti untuɠɔ, kɛlɛ ɲaka nuiti ta ɗa lɔ duɔlai zu.

²⁵Ziizoolɛi a ɠɛna nui yiimaʋɛ, toɠa ɗa vɔ, kɛlɛ iɲɔdɔɔ ɓɔɛi ɠa ɗa nui ɠoozunɛ.

²⁶Telebo nui ɠa ɗa ɠɛ ga ʋelela ʋagɔ bɔɔlaiti bɛ, kɛlɛ faa ɲɔu ɠɛ nuiti siɛ ʋelei ɠa ɗa ti ɠaka.

²⁷Sua ɓɛ nui nii dɔɔʋɛai, naa la sua zɔlɔɔga, é ʋa gee. Faa ʋagɔi, nii pagai ti pɛ ba nuɓusɛi ná-faa zu, naa ɠa ga é ɠɛ ga botiɠɛ nu.

²⁸Ʋɛ telebodai ɠɛɛzu ná, miná ɠa zɛnvui ná, naama ʋelei ɠa nu ɠizosu saai ma.