Tɛnɛ Faalaaliiti 11:27-31

²⁷Zɔi é faa ʋagɔi ɠɛɛ vai ɠaiziɛzu, naa ɠa ɗa undaanɛɛi zɔlɔɔ, kɛlɛ zɔi é faa ɲɔi ɠaiziɛzu, faa ɲɔi ɠa ɗa zeeli naa ma.

²⁸Zɔi a ʋoluzei ná-naavoloi ʋa, naa ɠa loo bu, kɛlɛ telebo nuiti gaa ɠa wɔɔlɔ eɠɛ gulu wola, nii gaalaagi mɔinɗai.

²⁹Zɔi a gooɠaavazagi lɔɔna ná-pɛlɛyeɠei wu, toɠa sulɔnɔgi zɔlɔɔ ga fiilɛ wolai, faaɠaaɠaalala nui ɠa ɠɛ ga ɠima nui ná-duɔi.

³⁰Telebo nui ná-kɛɛwotiiti ta ga zɛnvu wului, ɠima nui ɠa ɗa nui taɠiligaa ʋilɛ pele ʋa.

³¹Ni telebo nui ɠa zalai zɔlɔɔsu gaamanɔ eteai zu, koleʋɛ ɓalaa ga, faa ɲɔu ɠɛ nui ta kotoba nui, ta ti-zalai zɔlɔɔ!