Tɛnɛ Faalaaliiti 10:1-5

¹Salɔmɔn ná-tɛnɛ faalaaliiti. Ɠima loun zunui ɠa ɗa ɠɛ ga kɛɛɠɛ ná-koozunɛɛi, faaɠaaɠaalala loun zunui ɠɛ ga dee ná-ziizoolɛi.

²Naavoloi sɔlɔɔ pelei ɲɔuɗai, é la faa ʋaa eyɛsu pɛ, kɛlɛ nii é ná-eteai ziɛzu telebogi zu, naa ɠa ɗa ɠizo saai ma.

³Ɠɔoɠɔ GALAGI la telebo nui yɛgana, é ʋa ɓɔlɔ ga pului, kɛlɛ toɠa ɠɛlɛ nu ɲɔi yiima vaiti ba.

⁴Zɔi é la yeeʋɛa faa ʋa, naa ɠa ɗa ɠɛ ga bala nu, kɛlɛ zeemaleʋebogi ɠa ɗa nu ɓɛtɛ.

⁵Nii é ani ɠaalɛɛzu ba, foɠo undaaɠulazuʋɛ, naa ɠa ga doun zunui, nii keleɠelegai, kɛlɛ zɔi é ɲiizu molo leʋe ziɛgi zu, doun zunui ɠa ga naa, nii ɓaa ɠa ɠula ma.