Suuki 8:6-12

⁶N xa findi i keren gbe ra, alɔ i xa tɔnxuma naxan gbakuxi i kɔn ma, xa na mu a ra naxan nasoxi i bɛlɛxɛsole ra, barima xanunteya sɛnbɛ gbo dangife faxɛ ra. N wama i xɔn n yɛtɛ bɛ, alɔ aligiyama wama mixie xɔn ma ki naxɛ. Xanunteya sɛnbɛ gbo alɔ tɛ, Alatala naxan nadɛxɛxi, a mu xubenma.

⁷Baa ye mu nɔma xanunteya raxubende, xure ye mu nɔma a bade. Mixi naxan wama a harige birin masarafe xanunteya ra, mixi na kanyi mayelema nɛ.»

⁸«Xunya ginɛma na muxu yi ra, a mu mɔxi sinden, a xiɲɛe xurun. Muxu fama munse rabade a bɛ mixi na a fen tɛmui naxɛ?

⁹Xa a luxi alɔ tɛtɛ naxan balanxi, muxu a yɛnsɛma nɛ gbeti ra, kɔnɔ xa a luxi alɔ naadɛ naxan nabixi, muxu a balanma nɛ.»

¹⁰«N tan luxi nɛ alɔ tɛtɛ naxan mu rabima, n xiɲɛe findixi yire makantaxie nan na. Na kui n bara findi n xanuntenyi xa bɔɲɛsa ra.

¹¹Wɛni sansi bili yire nu na Sulemani yi ra Bali Hamon. A naxa a taxu a xa walikɛe ra, naxee nu lanma e xa gbeti kɔbiri kole wulu fi na xa fe ra.

¹²N tan nan n ma wɛni bilie yire makantama. I bara gbeti kole wulu sɔtɔ, i xa walikɛe bara gbeti kole kɛmɛ firin sɔtɔ.»