سُوكِ 8:6-12

⁶ﭑ شَ قِندِ عِ كٍرٍن فبٍ رَ، عَلْ عِ شَ تْنشُمَ نَشَن فبَكُشِ عِ كْن مَ، شَ نَ مُ عَ رَ نَشَن نَسٌشِ عِ بّلّشّسٌلٍ رَ، بَرِ مَ شَنُنتٍيَ سّنبّ فبٌ دَنفِقٍ قَشّ رَ. ﭑ وَ مَ عِ شْن ﭑ يّتّ بّ، عَلْ عَلِفِيَمَ وَ مَ مِشِيٍ شْن مَ كِ نَشّ. شَنُنتٍيَ سّنبّ فبٌ عَلْ تّ، عَلَتَلَ نَشَن نَدّشّشِ، عَ مُ شُبٍنمَ.

⁷بَا يٍ مُ نْمَ شَنُنتٍيَ رَشُبٍندٍ، شُرٍ يٍ مُ نْمَ عَ بَدٍ. مِشِ نَشَن وَ مَ عَ هَرِفٍ بِرِن مَسَرَقٍ شَنُنتٍيَ رَ، مِشِ نَ كَنيِ مَيٍلٍمَ نّ.»

⁸«شُنيَ فِنّمَ نَ مُشُ يِ رَ، عَ مُ مْشِ سِندٍن، عَ شِحّيٍ شُرُن. مُشُ قَمَ مُنسٍ رَبَدٍ عَ بّ مِشِ نَ عَ قٍن تّمُي نَشّ؟

⁹شَ عَ لُشِ عَلْ تّتّ نَشَن بَلَنشِ، مُشُ عَ يّنسّمَ نّ فبٍتِ رَ، كْنْ شَ عَ لُشِ عَلْ نَادّ نَشَن نَبِشِ، مُشُ عَ بَلَنمَ نّ.»

¹⁰«ﭑ تَن لُشِ نّ عَلْ تّتّ نَشَن مُ رَبِمَ، ﭑ شِحّيٍ قِندِشِ يِرٍ مَكَنتَشِيٍ نَن نَ. نَ كُي ﭑ بَرَ قِندِ ﭑ شَنُنتٍنيِ شَ بْحّسَ رَ.

¹¹وّنِ سَنسِ بِلِ يِرٍ نُ نَ سُلٍمَنِ يِ رَ بَلِ هَمٌن. عَ نَشَ عَ تَشُ عَ شَ وَلِكّيٍ رَ، نَشٍيٍ نُ لَنمَ عٍ شَ فبٍتِ كْبِرِ كٌلٍ وُلُ قِ نَ شَ قٍ رَ.

¹²ﭑ تَن نَن ﭑ مَ وّنِ بِلِيٍ يِرٍ مَكَنتَمَ. عِ بَرَ فبٍتِ كٌلٍ وُلُ سْتْ، عِ شَ وَلِكّيٍ بَرَ فبٍتِ كٌلٍ كّمّ قِرِن سْتْ.»