Suuki 2:1-8

¹«N tan luma nɛ alɔ sansi fuge tofanyi, naxan mɔɔli toma Sarɔn gulunba yire.»

²«I tan luxi nɛ alɔ sansi fuge tofanyi tunbee ya ma. I tofan ginɛdimɛe birin bɛ.»

³«N xanuntenyi luxi nɛ alɔ mangoe bili wondi kui. A fan sɛgɛtalae birin bɛ. N bara wa lufe a xa niini bun ma, a xa fe rafan n ma alɔ mangoe rafanma mixi ma ki naxɛ.

⁴A bara n xanin a xɔnyi, a xa xanunteya bara findi ɲɛlɛxinyi ra n bɛ.»

⁵«Donse ɲɔxunmɛ so n yi, n ki mangoe, barima xanunteya naxan na n bɔɲɛ kui, a bara n sɛnbɛ ba n yi ra.

⁶N xunyi na n xanuntenyi bɛlɛxɛ, a na n mafurukufe a yirefanyi ra.»

⁷«Darisalamu ginɛdimɛe, n bara wo mayandi, tɔɔkɛ nun xeli xili ra naxee na wula i, wo naxa xanunteya raxunu, wo naxa a rakeli, beenu a wama a xɔn ma tɛmui naxɛ.»

⁸«N xanuntenyi xui na a ra, a na fafe a gi ra geyae fari.